बालयोगी सदानंद महाराज यांनी वयाच्या बाराव्या वर्षी सर्वास्वाचा त्याग करून एकांतवासासाठी तुंगारेश्वर या पवित्र व जागृत देवस्थानात वृक्षवल्ली आणि डोंगरदऱ्यांच्या साक्षीने दिर्घकाळ वास्तव्य करुन आपली साधना केली. सदानंद महाराजांचे वडील वैजनाथ आणि आई पार्वती यांना संतसमागम, तीर्थयात्रा व साधुसंतांच्या भेटीची आवड होती. या दांम्पत्याला अपत्यसुख नव्हतं. परंतु त्यांची मनोमन इच्छा होती की, आपल्याला असा पुत्र व्हावा, जो आध्यात्मिक कार्य करुन समस्त मानवजातीचं कल्याण करील. योगायोगानं तसंच पूर्व संचिताने हे महान योगी परमपूज्य स्वामी नित्यानंद महाराजांच्या संपर्कात आलं. तेव्हा नित्यानंद स्वामींनी या दांम्पत्याच्या मनातील इच्छा ओळखली व त्यांना स्वप्नात दृष्टांत देऊन आशिर्वाद दिला की, ‘तुम्हाला मुलगा बारा वर्षानंतर मात्र तो तुमचा राहणार नाही. परंतु तुम्हाला व अखिल मानवजातीला नित्य आनंद देईल!’ नित्यानंद स्वामींच्या दृष्टांतरुपी आशिर्वादाने शुक्रवार, २१ ऑगस्ट १९५८ रोजी पहाटे ब्रम्हमुहूर्तावर पहाटे ३ वाजून १० मिनीटांनी बाल सदानंद यांचा जन्म झाला. लहानपणापासून त्यांचा ओढा वैराग्याकडे होता. बाबा लहानपणापासून सात्विक आहार घेत व स्वच्छ राहत. शाळेत दुसरीपर्यंत कासोटी नेसून जात. केसांचा बुचडा बांधून अवलियासारखे उघडे, स्वच्छंदी राहत असत. मनात येईल तेव्हा मारूती किंवा राम मंदिरात जाऊन ध्यानस्थ होत असत. त्यांच्या अशा वागण्याने लोक त्यांना वेडा म्हणत. वयाच्या दहाव्या वर्षी सदानंद बाबांच्या लक्षात आलं की, ध्यान धारणेसाठी एकांतवासच हवा. तसचं साधना करण्यासाठी झाडं, पानं, निर्झर, गिरीशिखरं यांच्या सहवासात गेलं पाहिजे. कारण निसर्ग स्थितप्रज्ञासारखा असून सर्वांना समृदृष्टीने पाहतो. शिवाय माणसाचा दृष्टीकोन बदलण्याची प्रचंड शक्ती निसर्गात सामावलेली आहे. त्यामुळे वयाच्या बाराव्या वर्षी सदानंद बाबांनी २६ एप्रिल १९७१, अक्षय्यतृतीया या दिवशी आपल्या राहत्या घराचा त्याग केला आणि तुंगारेश्वरचं जंगल तप व साधनेसाठी निवडलं. तिथे सदानंद महाराजांच्या पुढील साधनेचा प्रारंभ झाला. या साधनेद्वारे बाबांनी बऱ्याच सिध्दी अवगत केल्या आणि आपल्या या सामर्थ्याचा उपयोग समस्त मानवजातीच्या कल्याणासाठी करण्याचं त्यांचं कार्य अविरत सुरु आहे.
प.पू. बालयोगी श्रीसदानंद महाराज यांनी तुंगारेश्वर पर्वतातील औषधी वनस्पतीचा शोध घेऊन, विविध प्रकारची औषधी निर्माण केली आहेत. त्या सिध्द वनौषधीद्वारे आता पर्यंत हजारो रुग्णांना व्याधीमुक्त केले आहे.१९७१ पासून तुंगारेश्वर पर्वतावर बाबांचे वास्तव्य असल्यामुळे त्यांनी आपल्या आश्रम परिसरात अनेक प्रभावी वनौषधी वनस्पतींची लागवड करून त्यांचे संवर्धन केले आहे. नित्यानंद फार्मसी या नावाने औषधी केंद्राची स्थापना करून बालयोगी श्रीसदानंद महाराज सिध्द वनस्पती केंद्र आणि सिध्द वनस्पती उपचार केंद्र सुरु केले आहे.
मणक्याचे आजार, मूत्रपिंडाचे आजार , मूत्रखडा, स्त्रियांचे आजार, मुळव्याध, क्षयरोग (टी.बी.), दमा, कावीळ, मधुमेह, अल्सर, पोटाचे विकार, संधिवात, उच्चरक्तदाब, कमी रक्तदाब, कुष्ठरोग, त्वचेचे विकार, केस गळणे, डोळ्यांचे आजार इत्यादी रोगावर उपचार केले जातात. या सर्व औषधांना महाराष्ट्र राज्य अन्न व औषध विभागाचा परवाना प्राप्त आहे.व्यसनमुक्ती, सर्पदंश, श्वानदंश इ. आजारावर मोफत उपचार केले जातात.
अमृत काढा, दांतीधी अर्क, रुधिर चूर्ण, नित्यानंद तेल, गोविंद तेल, रोपनी तेल, श्रीगोविंद मिश्रण, सदा-आनंद अशा अनेक नावाने युक्त असलेल्या औषधी तुंगारेश्वर आश्रम व सद्गुरूधाम श्रीगणेशपुरी येथे उपलब्ध आहेत.
सन २००० मध्ये बाबांनी सदा-आनंद (आयुर्वेदिक चहा) ची निर्मिती केली, हे १०० टक्के आयुर्वेदिक असून ताप, श्वासोश्वासाचा त्रास, हृदयविकार, मधुमेह, मूत्रपिंड, डोळे, अंगदुखी, श्वेतप्रदर इ. रोगावर रामबाण उपाय आहे.बाबांच्या भक्तपरिवारातच नाही तर अनेक प्रांतातून येणाऱ्या भाविकांची या सदा-आनंद चूर्णास मोठया प्रमाणात मागणी आहे. पंढरपूर पायी दिंडी सोहळा तसेच अनेक सामुदायिक कार्यामध्ये बाबांची औषधांचे तसेच सदा-आनंद पी या काढयाचे भाविकांना मोफत वाटप केले जाते.
प.पू. बाबांचे आयुर्वेद क्षेत्रातील विलक्षण कार्य लक्षात घेऊन महाराष्ट्र राज्य शासनाने महाराष्ट्र राज्य वनौषधी संशोधन समितीवर सन २००५ मध्ये बाबांची सल्लागार म्हणून निवड केली.
Copyright © 2024. All Right Reserved.
